((.. ليلة زفاااف // ليلة ودااع ..))

بسم الله الرحمن الرحيم ..
السلام عليكم ورحمة الله وبركاته ..

.

.

.


أضع لكُم هذه الرائعه ..
للشاعر الكبير / شامخ الشامخ الرشيدي ..

.

.

.





قالهـا شامـخ علـى الله ..ياعنـيـدات اللـيـال
ماحوى مقبـل سنينـي ..يجبـر الجـرح الدفيـن
لا تلاشـت لـي مصيبـة .. حملهـا هـد الجبـال
تبتـدي ثانـي مصيبـة .. قـو الأولـى مرتيـن
العمـر رحلـة تجـارب .. والوفـاء كلـه خيـال
والزمن لو طال عمـره ..مابقـى شـيء ٍ ثميـن
عمت الفوضاء بدربي .. والرجوع اصبـح محـال
والمكان اللي حواني .. ( صرختيـن و دمعتيـن )
المسـاء هـذا كئيـب .. وذكرياتـي بـه طـوال
والثوانـي ..والدقـايـق ..بالخـطـى متثاقلـيـن
والسماء ضمت قمرهـا .. مـع بـزوغ اول هـلال
((شهـر خمسـه)) والدمـوع الغاليـه بالوجنتيـن
الفتـاة اللـي سكنهـا العيـن ..واجفونـي ظـلال
اعزفوا ليلـة كفنهـا .. نغمـة الصـوت الشجيـن
والله انـه مـا نفعهـا ..لـو تصـل حـد الهبـال
والله انـه مـا منعنـى ..غـيـر رب العالمـيـن
قـدر الله ..وانكتـب عنـوان هـذا الـحـب زال
والقـدر لا حـل حكمـه ..كلنـا لــه مذعنـيـن
كنت شـاري حبهـا ..فيـه الدلـع ..فيـه الـدلال
لكن انه ينتهـي حـب انعمـر طـول السنيـن..!؟
هذا والله .. هو سبب خوفي .. وجرحي .. والهوال
هذا والله .. هو سبـب دمعي..وحزنـي والونيـن
هذا والله .. هو سبب مـا حدنـي فـوق احتمـال
يوم شفت الموت .. وانتي يا حياتـي ترحليـن ..!
ان رحلتي .. ليش بأبقى ..والقمر شد الرحـال..!؟
وان بقيتي.. ليش بأرحل .. والقمر تـوه مبيـن؟؟
وان سألتي ليش بأرحل ؟؟ قلت لـك هـذا المقـال
((الرحيل اسهل طريق ٍ ..لأجل ماتبقـى سجيـن ))
وأن سألتـي ليـش تتركنـي بساحـات القـتـال
قلت لك مـا تّـل قلبـي ..غيـر نـاس ٍ خاينيـن
الخطا غامض .. ولكن .. تسمحـي لـي بالسـؤال
هل رضيتي يوم قالوا .. ( هل بغيـري تقبليـن)؟؟
كانك انتي راضيه .. ما عـاد باقـي لـي نضـال
لأرتحل عبر الصحاري ..وانتهـي وابقـى حزيـن
لأرتحل عن دار حايل .. واهجـر ادروب الشمـال
لو بها نـاس ٍ عزيـزة ..فـي غلاهـم واصليـن
لأرتحل فـوق الخيـال ..ولأندثـر تحـت الرمـال
ولأنتهي عن كـل سكـة ..فـي دروب العاشقيـن
وكانك انتـي رافضتهـم .. واجبـروك ِ بالحـلال
واصدروا عقد النكاح .. ولا سألو _ هل ترفضين )؟
الله اللـي راد يـا عيونـي ..ولا فيـهـا جــدال
واسحبي ذيل الهزيمـة .. وافعلـي مـا تؤمريـن




.

.

.





مادريت الا كروت افراح ..تدعوني تعال
حفلها ليل الثلاثاء ..والخبر صبح الثنين




.

.

.


(( لآ ))





لا ولايمـدي ..ولايمكـن.. لتحقيـق الفـصـال
دام باقي ليل واحد ..يا عيونـي وش تبيـن .؟؟؟
أومريني ((شخص)) طايع ..قيـده وقتـه غـلال
واقتليني وسط دارك ..واشربـي دمـي الل؟يـن
دامني عـن ديرتـي يـا بنـت قطّعـت الحبـال
كيف ابدري للفرح يا بنـت وانتـي تعرفيـن ؟؟
اعذرينـي ..مادريـت الا بكسوفـك والــزوال
اعذريني ..ماجداي الا صـدى صـوت الأنيـن
واعذريني .. لو رحلت وغادرت سفن الوصـال
واعذريني .. لو قطعت الوصل بالناس اجمعيـن
واعذريني لو سقيتـك مـن بحـر هجـري زلال
واعذرينـي كانـك انتـي يـا حياتـي تعذريـن
واعذرينـي يـا حياتـي ..كـل ماجالـك مجـال
واعذريني يا حياتي قد ما انتـي تقدريـن ...!؟
والا انا يا عزتـي لـي ..حالتـي ماهـي بحـال
زيـن اكمـل بعدكـم يانـور عينـي ليلتـيـن
وادري ان صـرت بغيابـك.. وفـي ٌ لا يُطـال
للوفـاء مضـرب مثـال ٌ فـي علـوم الطيبيـن
واسمعي بآخر قصيدة .. بعدهـا قطـع الوصـال
بعدها .. مافيه شـيءٍ يربـط لآخـر يقيـن ..!
( الطموح اللي بنينـا ) ينهـدم قبـل الـزوال)
ينهدم قبـل الغـروب .. ويندفـن حلـم الثنيـن
( ينهدم لأجل الشريعة ) ( ينهدم لأجل العـدال )
( ينهدم لأجل الأماني ) ( ينهدم لأجـل السنيـن)
( ينهدم يأول حبيبه ) ( ينهدم يأغلـى غـزال )
(ينهدم ياأجمل عيون ) ( وينهدم يا أوفى ضنين )
ينهدم .. لأن القلـوب أولـى بتحقيـق المنـال
ينهـدم .. لأن التعـازي مـا تـرد الميتـيـن




.

.

.





مابقـى غيـر الـوداع .. وكفنـي حسـن القـبـال
وسامحينـي كـل لحظـة .. واسمعـي هالكلمتـيـن
و الله انه مـا مـلأ عينـي .. بعـد حسنـك جمـال
والله انـه مـا سكـن قلبـي بعـد رحتـي عويـن
بأوعدك ..يبقى مكانـك والهـوى مـا اعطيـه بـال
ولايحرك من شعوري بنـت .. واحلـف لـك يميـن
أرحلـي والله معـك فــي غيبـتـك والارتـحـال
وارحلي ..لآخر مدى والـدرب ( ورد وياسميـن..!)
ارحلـي ..بالذكريـات وبـاقـي الـحـب الـمُـزال
وارحلي.. تكفين لا يردك علـى الشامـخ حنيـن ..!
وارحلـي .. واتجاهلـي كـل الكـلام اللـي يـقـال
لو سمعتي ( حـال شامـخ ماتسـر الناظريـن ..!)
صدقينـي .. لـو تشوفينـي علـى جـرف ٍ هيـال
ما انتظرت .. الا وانا اعرف وش يكون المسلكين ..!
صدقينـي .. ( مرحلـة بتُمـر ) والصبـر ابـتـذال
بأبتسـم رغـم الجـروح .. ولاعقـدت الحاجبـيـن
صدقينـي .. لا سمـح قلبـي .. بـأدور لـك بـدال
يا عسى قلبي يلين .. ويا عسـى ربـي يعيـن ..!
من شبابـي والحـزن .. فـي خوتـه خـوة رجـال
مايفارقنـي .. ودايـم عـن يسـار وعـن يمـيـن
لاغفيـت اشوفهـا بالعـيـن .. تبـكـي للـطـلال
ولا صحيـت .. اشوفهـا قـدام وجهـي باليـديـن
اكتفيـت ارجـوك يـا سْنينـي .. عذابـي لايـزال
يا عذابي .. وش بقى بـي يـا سنينـي تجرحيـن ؟
كيف اصدق مـا حصـل لـي .. والله انـه كالخيـال
كيـف اكـذب والنواظـر ..والجـوراح ..شاهديـن
انتبهت لدنينـي .. والحـزن مـدري ليـش طـال؟
واعتزيـت .. وقلـت يـا الله عـن كـلام العاذليـن
لـو خذلنـي فـي تعاملهـم .. رديـيـن الـرجـال
و الله انـي مـا اتهـاون .. عـن علـوم الطيبيـن




.

.

.


تحيــآتي

صح لسان قايلها وتسلم ايد ناقلها

تسلمين يالغاليه

ويعطيك الف عافيه
على مرورك

وش أرد والله إنــــــــه قدر يوصــــل لداخــــل القلـــــبــ,

وأدمــــع العيـــــن بعـــــد

بس كــــرهــــتــ, قولــــهـ

قـدر الله ..وانكتـب عنـوان هـذا الـحـب زال والقـدر لا حـل حكمـه ..كلنـا لــه مذعنـيـن
كنت شـاري حبهـا ..فيـه الدلـع ..فيـه الـدلال
لكن انه ينتهـي حـب انعمـر طـول السنيـن..!؟

لأنـــه ما يزول ولا ينتهــــي

المهم شكــــرا على القصيده الأكثر من رائعة
لهذا الشاعر الرائع

ونشوفكـــ دوووومـــ,

:)

صح لسانك


مشكوووووره

نبضه

على القصيده

الاكثر من رائعه

شكرااا لك

نبضه قلب
فعلا كلمااااااااااااااااااااااااااااااااااااات بغايه الرووووووووووووووووووووعه

تسلم يمينك لما نقلتي

مشكوووووووووووووووور ع القصيدة الأكثر من رائعه

عاشق القمر


الله يعطيك العافيه

على مرورك

الرائع

سفير الاحزان



مشكور اخوي على الطله

الله يعطيك العافيه

سفير الغرام


مشكور اخوي

نورت صفحتي

الله يعطيك العافيه